ئازادی دوو هاووڵاتی دەستبەسەر کراو لە بانە و پیرانشار

11:52 - 10 February 2019

 

هەنگاو:لە ماوەی ڕۆژانی رابردوودا، دوو هاووڵاتیی دەستبەسەر کراو لە شارەکانی بانە و پیرانشار لە بەندیخانە ئازاد کران.

بە پێی هەواڵی ڕێكخراوی مافی مرۆڤی هەنگاو، ڕۆژی پێنجشەممە (١٨ی ڕێبەندانی ٢٧١٨/ ٧ی فێوریەی ٢٠١٩) عوسمان فەرەجی، خەڵکی بانە، دوای ٥٠ ڕۆژ دەستبەسەری ئازاد کرا.

عوسمان فەرەجی ڕۆژی پێنجشەممە (٢٩ی سەرماوەز ٢٧١٨/ ٢٠ی دسامبر ٢٠١٨) هێزەکانی ئیدارەی ئیتلاعاتی بانە بە تۆمەتی هاوکاری لەگەڵ حیزبە کوردستانیەکانی دژبەری ئێران دەسبەسەر کرابوو.

لەلایەکی دیکەوە  و لە ماوەی ڕۆژانی ڕابردوو دا، شێرکۆ عەلی محەمەدی، هاووڵاتیی خەڵکی پیرانشار کە لە ڕێکەوتی ١٩ی سەرماوەز دەستبەسەر کرابوون، دوای دوو مانگ ڕۆژ بە دانانی بارمتە بە شێوەی کاتی ئازاد کرا.