لە سنووری کرماشان کۆڵبەرێک بریندار بوو

لە سنووری کرماشان کۆڵبەرێک بریندار بوو

08:51 - 25 November 2020

 

هەنگاو: کۆڵبەرێک لە کاتی کۆڵبەریدا لە سنووری شارۆچکەی نەوسوودی سەر شاری پاوەی پارێزگای کرماشان، بە تەقەی ڕاستەوخۆی هێزە چەکدارەکانی ئێران بریندار بوو.

بە گوێرەی ڕاپۆرتی گەیشتوو بە ڕێکخراوی مافی مرۆڤی هەنگاو، ڕۆژی سێ شەممە ٤ی سەرماوەزی ٢٧٢٠ (٢٤ی نۆڤەمبری ٢٠٢٠)، هێزە چەکدارەکانی ئێران لە سنووری شاری نەوسوودی پارێزگای کرماشان، دەسڕێژیان لە کۆمەڵێک کۆڵبەر کردووە.

لە ئەنجامی ئەم درسڕێژەدا، کۆڵبەرێکی خەڵکی گوندی نۆریاو سەر بە شاری پاوە بە ناوی داریوش وەلەدبەیگی بە سەختی بریندار بووە.

دایوش وەلەدبەیگی  بۆ چارەسەری پزیشکی گوازراوەتەوە بۆ بنکە تەندروستییەکانی شاری پاوە.