ژنێکی لاو لە شاری شنۆ کۆتایی بە ژیانی خۆی هێنا

23:53 - 19 خەزەڵوەر 2718

 

هەنگاو: ژنێکی لاوی خەڵکی شاری شنۆ سەر بە پارێزگای ئورمیە کۆتایی بە ژیانی خۆی هێنا.

بەپێی ڕاپۆرتی ڕێکخراوی مافی مرۆڤی هەنگاو،  ساعت ٩ی شەوی شەممە (١٩ی خەزەڵوەری ٢٧١٨ / ١٠ی نۆڤەمبەری ٢٠١٨)، ژنێکی لاوی خەڵکی شاری شنۆ بە ناوی ”تروسکە ڕەسووڵیان“ کچی ئیسماءیل  کۆتایی بە ژیانی خۆی هێنا.

ئەو ژنە تەمەن ٣٢ ساڵە دایکی منداڵێک بووە و لە ڕێگای خۆهەڵواسینەوە کۆتایی بە ژیانی خۆت هێناوە.

تەرمی تروسکە ڕەسووڵیان ئێستا لە نەخۆشخانەی شاری شنۆ ڕاگیراوە.

هەتا کاتی ئامادە کردنی ئەم هەواڵە، هۆکاری خۆکوشتنی ئەو ژنە بۆ هەنگاو ئاشکرا نەبووە.