کۆڵبەرێکی خەڵکی شنۆ کوژرا + وێنە

20:09 - 14 سەرماوەز 2718

 

هەنگاو: کۆڵبەرێکی خەڵکی شنۆ لەکاتی کۆڵبەری و بە تەقەی هێزە چەکدارەکانی ئێران کوژرا.

بە پێی ڕاپۆرتی ڕێکخراوی مافی مرۆڤی هەنگاو، ئەو کۆڵبەرە کە خەڵکی گوندی گەڵازی شنۆ بووە لە کاتی کۆڵبەری و بە تەقەی هێزە چەکدارەکانی ئێران لە کوێستانەکانی کێلەشین کوژراوە. 

هەواڵنێری هەنگاو ناسنامەی ئەو کۆڵبەرە کوژراوەی ”عەبدولقادر ساڵحیان“ تەمەن ٣٥ ساڵ و کوڕێ جەمیل ڕاگەیاندووە.

بە وتەی سەرچاوەیەکی یاگادار، عەبدولقادر چەند ڕۆژ بریندار کراوە و لەکاتی هەڵهاتن لە دەستی هێزەکانی ئێران لە دوو هاوڕێی دیکەی دابڕاوە. خەڵک ڕۆژی چوارشەممە (١٤ی سەرماوەزی ٢٧١٨ / ٥ی دێسامبری ٢٠١٨) تەرمەکەیان دۆزیوەتەوە.

تەرمی ئەو کۆڵبەرە کە باوکی چوار منداڵیشە ڕەوانەی نەخۆشخانەی شاری شنۆ کراوە.

عەبدولقادر ساڵحیان ماوەی چەند ساڵە نیشتەجێی شارەدێی دزەی مەرگەوەڕ سەر بە ئورمیەیە.