دوو کچ لە کامیاران و ئابدانان کۆتاییان بە ژیانی خۆیان هێنا

هەنگاو: لەماوەی ڕۆژانی ڕابردوودا دوو کچ لە شارەکانی ئابدانان و کامیاران بە هۆی کێشەی کۆمەڵایەتییەوە کۆتاییان بە ژیانی خۆیان هێناوە.

بەپێی ڕاپۆرتی گەیشتوو بە ڕێکخراوی مافی مرۆڤی هەنگاو، ڕۆژی چوارشەممە (٢٢ی جۆزەردانی ٢٧١٩ / ١٢ی ژوئەنی ٢٠١٩)، کچێکی تەمەن ٢٥ ساڵ لە گوندی پشتە سەر بە کامیاران خۆی هەڵواسیوە و کۆتایی بە ژیانی خۆی هێناوە.

هەواڵنێری هەنگاو لە شاری کامیاران ناسنامەی ئەو ژنە لاوەی “ژیلا مزەفەری” ڕاگەیاندووە کە بە هۆی کێشەی خێزانییەوە خۆی هەڵواسیوە.

لەلایەکی دیکەوە ڕۆژی هەینی (١٧ی جۆزەفان / ٧ی ژوئەن)، کچێکی تەمەن ٢٤ ساڵی خەڵکی ئابدانان لە پارێزگای ئیلام بە هۆی کێشەی کۆمەڵایەتییەوە خۆی هەڵواسیوە.

ئەو کچە تەمەن ٢٤ ساڵە بە ناوی “ئانا سەیدمیرزایی” لە ماڵی باوکی، خۆی هەڵواسیوە.