دوو کۆڵبەری دیکە لە سەردەشت بریندار بوون

هەنگاو: لە ئەنجامی تەقەی ڕاستەوخۆی هێزە چەکدارەکانی حکومتی ئێران لەشاری سەردەشت، لانیکەم دوو کۆڵبەری دیکە بریندار بوون.

بەپێی هەواڵی گەیشتوو بە ڕێکخراوی مافی مرۆڤی ”هەنگاو“، شەوی سێشەممە (٢٣ی گەلاوێژی ٢٧١٨ / ١٤ی ئاگۆستی ٢٠١٨)، هێزە چەکدارەکانی ئێران لە سنووری سەردەشت دەستەیەک لە کۆڵبەرانی کوردیان دایە بەر دەستڕێژی گوللە و لە ئاکامدا دوو کەسیان بریندار بوون.

ناسنامەی ئەو دوو کۆڵبەرە ئەحمەد باساوی و ڕێبوار خزرپوور ڕاگەیەندراوە.

ئەو دوو کۆڵبەرە بە سەختی بریندار کراون و بە مەبەستی چارەسەری ڕەوانەی ناوەندە دەرمانییەکانی شاری سەردەشت کراون.

بەرەبەیانی هەمان ڕۆژیش کۆڵبەرێکی خەڵکی مەهاباد بە ناوی ئیسماعیل عەزیزی لە سنوورەکانی سەردەشت بە تەقەی ڕاستەوخۆی هێزە چەکدارەکانی ئێران کوژرابوو.