دوو کۆڵبەری سەردەشتی بە تەقەی هێزەکانی ئێران بریندار بوون

هەنگاو: دوو کۆڵبەری خەڵکی سەردەشت بە تەقەی ڕاستەوخۆی هێزە چەکدارەکانی ئێران بریندار بوون.

بەپێی ڕاپۆرتی ڕێکخراوی مافی مرۆڤی هەنگاو، ئێوارەی ڕۆژی هەینی (١٣ی ڕەزبەری ٢٧١٨ / ٥ی ئۆکتۆبری ٢٠١٨)، هێزە چەکدارەکانی ئێران لە گوندی دینارانی شاری سەردەشت تەقەیان لە پۆلێک لە کۆڵبەرانی کورد کردووە و لەئەنجامدا دوو کۆڵبەر بە سەختی بریندار بوون.

ناسنامەی ئەو دوو کۆڵبەرە ”ئومید ساڵح پوور“ تەمەن ٢٣ ساڵ و ”کەماڵ قادریان“ تەمەن ٢٨ ساڵ و خێزاندار ڕاگەیندراوە.

ئەو دوو کە لاقی هەردوویان بە سەختی پێکراوە، بە مەبەستی چارەسەریی پزشیکی ڕەوانەی ناوەندە دەرمانییەکانی شاری سەردەشت کراون.

چەند سەر ئەسبی ئەو کۆڵبەرانەش لە ئەنجامی ئەو تەقەکردنەدا کوژراون.