دەستبەسەرکران و ناڕوونی هاووڵاتییەکی خەڵکی بۆکان

هەنگاو: دووشەممە ١٦ی جۆزەردانی ٢٧٢٢

هاووڵاتییەکی خەڵکی گوندی سارۆقامیش سەر بە شاری بۆکان بە ناوی سادق مووسابە نزیکەی مانگێکە لەلایەن هێزە ئەمنییەکانی کۆماری ئیسلامیی ئێرانەوە دەستبەسەر کراوە و چارەنووسی نادیارە.

سەرچاوەیەکی ئاگادار لەمبارەوە بە هەنگاوی وت: '' سادق مووسابە بە بێ پیشاندانی بەڵگەی دادوەری لەلایەن هێزەکانی ئیتلاعاتی سوپا دەستبەسەر و پاشان بۆ شوێنێکی نادیار گوازراوەتەوە ''.

سەرەڕای تێپەڕینی مانگێک لە دەستبەسەرکرانی سادق مووسابە، زانیارییەکی ورد لە سەر هۆکاری دەستبەسەرکران و هەروەها چارەنووس و شوێنی ڕاگیرانی ناوبراو لە بەر دەستدا نییە و بەدواداچوونی بنەماڵەکەی لەو بارەوە بێ ئاکام ماوەتەوە.