سێ چالاکی کرێکاری لە سنە ئازاد کران
هەنگاو: سێ چالاکی کرێکاری خەڵکی سنە دوایی ئەوەیکە بۆ بەندیخانەی ئەم شارە گوازرانەوە ئازاد کران.
٢٥ بانەمەڕ ٢٧١٨، ١٥:٢٠
هەنگاو: سێ چالاکی کرێکاری خەڵکی سنە دوایی ئەوەیکە بۆ بەندیخانەی ئەم شارە گوازرانەوە ئازاد کران.
بەپێی هەواڵی گەیشتوو بە ڕێکخراوی مافی مرۆڤی “هەنگاو” ،نیوەڕۆیی ئەمرۆ سێشەممە (٢٥ی بانەمەڕی ٢٧١٨/ ١٥مەی ٢٠١٨) ئەمیر شەهابی، یەدی سەمەدی و ئارمین شەریفە لە چالاکانی کرێکاری خەڵکی سنە لە بەندیخانە ئازاد کران.
ئەمیر شەهابی و یەدی سەمەدی ڕۆژی سێشەممە (١١ی بانەمەڕی/١ی مەی) هاوکات لەگەڵ ڕۆژی جیهانی کرێکار و ئارمین شەریفە لە ڕێکەوتی (١٧ی بانەمەڕ/٧ی مەی) لەلایەن هێزە ئەمنیەکانی ئێران لەشاری سنە دەستبەسەر کرابوون.
ئەم سێ چالاکە کرێکاریە ڕۆژی ڕابردوو لە دەستبەسەرگەی ئیدارەی ئیتلاعات بۆ بەندیخانەی ناوەندی شاری سنە گوازربوونەوە.
