چوار هاووڵاتیی کورد لە سێدارە دران
هەنگاو: حوکمی سێدارەی چوار هاووڵاتیی کورد لە بەندیخانەی ناوەندیی شاری ئورمیە جێبەجێ کرا.
٢٥ پووشپەڕ ٢٧١٩، ٠٨:٣٤
هەنگاو: حوکمی سێدارەی چوار هاووڵاتیی کورد لە بەندیخانەی ناوەندیی شاری ئورمیە جێبەجێ کرا.
بەپێی ڕاپۆرتی گەیشتوو بە ڕێکخراوی مافی مرۆڤی هەنگاو، بەرەبەیانی ڕۆژی سێشەممە (٢٥ی پووشپەڕی ٢٧١٩ / ١٦ی ژوئیەی ٢٠١٩)، حوکمی سێدارەی چوار هاووڵاتیی کورد لە بەندیخانەی ناوەندیی شاری ئورمیە جێبەجێ کرا.
ناسنامەی ئەو چوار کەسە کە بۆ هەنگاو ڕوون بووەتەوە بە شێوەی خوارەوەیە؛
١_ هێمن بەناوەند خەڵکی پیراشار
٢- مەحموود خالیدی
٣_ جەعفەر محەمەدی
٤_ محەمەد عارف نەجەفیان
ئەو چوار هاووڵاتییە بە تۆمەتی کوشتنی ئەنقەست پێشتر دەستبەسەر و لەلایەن دەزگای داودوەریی حکوومەتی ئێرانەوە حوکمی بەندکرانیان بە سەردا سەپاوە.
