دەستبەسەرکردن و ناڕوونی چارەنووسی هاووڵاتییەکی خەڵکی پاوە

هەنگاو: ٣١ی بانەمەڕی ٢٧٢٢

ئۆسوەت زەردۆیی تەمەن ٣٠ ساڵ و خەڵکی شارۆچکەی باینگان سەر بە شاری پاوە حەفتەی پێشوو لەلایەن هێزە ئەمنییەکانەوە دەستبەسەر و چارەنووسی نادیارە.

بە وتەی سەرچاوەیەکی ئاگادار، ئۆسوەت زەردۆیی بەبێ پیشاندانی بەڵگەی دادوەری لەلایەن هێزەکانی ئیدارەی ئیتلاعات دەستبەسەر کراوە و چارەنووس و شوێنی ڕاگیرانی نادیارە و بەدواداچوونی بنەماڵەکەی لەو پەیوەندییەدا بێ ئاکام ماوەتەوە.

هەتا کاتی داڕشتنی ئەم هەواڵە زانیارییەکی ورد لە سەر هۆکاری دەستبەسەرکران و ئەو تۆمەتانەی کە خراونەتە پاڵ ئۆسوەت زەردۆیی لە بەر دەستدا نییە.