چەکدارانی ئێرانی ٣٥ سەر ئەسبی کۆڵبەرانیان کوشت

هەنگاو: هێزە چەکدارەکانی ئێران لە سنووری شنۆ ئەسبی کۆڵبەران و کاسبکارانی کوردیان دایە بەر دەستڕێژی گوللە و لەئاکامدا ٣٥ سەر ئەسبی کۆڵبەران بە کوشت چوون.

بەپێی هەواڵی گەیشتوو بە ڕێکخراوی مافی مرۆڤی هەنگاو، ڕۆژی چوارشەممە (٧ی خەرمانانی ٢٧١٨ / ٢٩ی ئاگوستی ٢٠١٨)، هێزە چەکدارەکانی ئێران لە گوندی میراوێ سەر بە شاری شنۆ، تەقەیان لە کۆڵبەران و کاسبکارانی کورد کردووە و لەئاکامدا لانیکەم ٣٥ سەر ئەسبی کۆڵبەران بە کوشت چوون.

بە وتەی سەرچاوەیەکی ئاگادار، هێزە چەکدارەکانی ئێران هاوکات دەستیان بەسەر شت و مەکی ئەو کۆڵبەرانەدا گرتووە.

ئەمسال تەنیا لە سنووری شنۆ زیاتر لە ٣٠٠ سەر ئەسبی کۆڵبەران و کاسبکارانی کورد بە تەقەی ڕاستەوخۆی هێزە چەکدارەکانی ئێران بە کوشت چوون.