مەریوان/ کوژران و بریندار بوونی ٧ کۆڵبەر لە رووداوێکی هاتووچۆدا

مەریوان/ کوژران و بریندار بوونی ٧ کۆڵبەر لە رووداوێکی هاتووچۆدا

12:56 - 7 August 2020


هەنگاو: لە رووداوێکی هاتووچۆ لە نزیک سنووری مەریوان لانیکەم ٧ کۆڵبەر کوژرا و بریندار بوون.


بە پێی هەواڵی گەیشتوو بە ڕێکخراوی مافی مرۆڤی هەنگاو، ڕۆژی پێنج شەممە ١٦ گەلاوێژی ٢٧٢٠(٦ی ئاگۆستی ٢٠٢٠)، لە ڕێگای مەریوان بۆ گوندی دەرەناخی رووداوێکی هاتووچۆ بووە هۆی کوژرانی کۆڵبەرێک و برینداربوونی ٦ کۆڵبەری دیکە.


خالید غەفووری خەڵکی گوندی (باوە) و تەمەن ٤٩ ساڵ لەم ڕووداو گیانی لەدەست داو ە و ٦ کۆڵبەری دیکە بریندار بوون کە باری تەندروستی دوو کەسیان ناجێگیر ڕاگەیەندراوە.
هەتا کاتی ئامادە کردنی ئەم هەواڵە ناسنامەی ئەو ٦ کۆڵبەرە کە لەم رووداوە بریندار بوون بۆ هەنگاو ڕوون نەبوەتەوە.


ئەم ڕووداوە لە نێوان ئۆتۆمبێلێکی جۆڕی پراید و و ئۆتۆمبێلێکی جۆری تویوتا هاتوەتە ئاراوە و سەرنشینەکانی پرایدەکە کۆڵبەر بوون و بە مەبەستی کۆڵبەری بەرەو سنوور چوون.