هەشت چالاکی مەدەنی بانگهێشتی دادگای شۆڕشی سەقز کران + ناوەکان

هەنگاو: هەشت چالاکی مەدەنیی خەڵکی، بانگهێشتی دادگای شۆڕشی ئەو شارە کران.

بەپێێ هەواڵی گەیشتوو بە ڕێکخراوی مافی مرۆڤی هەنگاو، دادگایی شۆڕشی شاری سەقز، ٨ چالاکی ئەو شارەی بۆ ڕۆژی سێشەممە (٢٩ی جۆزەردان ٢٧١٨/ ١٩ ژوئەنی ٢٠١٨) بانگهێشت کردووە.

ئەم هاووڵاتیانە ڕۆژی یەکشەممە لە ڕێگەی بانگهێشت نامەوە پێیان ڕاگێندراوە کە  دەبێ کاتژمێر ١٠ی بەیانی رۆژی سێشەممە سەردانی دادگایی شۆرشی شاری سەقز بکەن.

ناسنامەی ئەو ٨ کەسە بە شێوەی خوارەوەیە؛

سەید عەلی حوسەینی، مامۆستا، سولەیمان عەبدی مامۆستا، موحەممەد عابدی، نوسەر ،  لوقمان قورەیشی، مزەفەر ئیبراهیم پووڕ چالاکی ژینگەپارێز، هەژار شەریفی، عەتا ڕەحمان زادە ناسراو بە عەتا شەماڵ و مامۆستا مەلا حەسەن مەحموودی بەرنوێژی گوندی کانی نیاز.

ئەم هەشت هاووڵاتیە لە ماوەی یەکساڵی ڕابردوو بە تۆمەتی بەڕێوەبردنی نەورۆزی ٢٧١٦ لە ئاوایی ئایچی لە شاری سەقز بانگهێشتی دادگا کراون.