Sine; Raporek li ser rewşa Jîno Kerîmî, keça ciwan a binçavkirî ji aliyê Îtilaata Spahê ve

Hengaw; Duşemî 25ê Tebaxa 2025an

Ruqiye Kerîmî (Jîno), keça Kurd a 18 salî ya xelka Merîwanê, ji çendîn roj berî niha ve ji aliyê Saziya Îtilaatê ya Spaha Pasdaran a Komara Îslamî ya Îranê ve hatiye girtin û hîn jî rewşa wê di girtîgehê de nerohn e.

Li gorî rapora ku gihaye bi Saziya Mafê Mirovî ya Hengawê, Jîno Kerîmî ya 18 salî û xelka Merîwanê, piştî ku nêzî du hefteyan berî niha ji aliyê Îtilaata Spahê ve hatibû girtin, vê dawiyê bo benda jinan ya girtîgeha Sineyê hatiye veguhastin.

Li gorî çavkaniyeke agehdar, Jîno Kerîmî di dema girtinê de ji aliyê Îtilaata Spahê ve, ji mafê pêwendîgirtin bi malbata xwe re û destpêregihîştin bi parêzer hatibû bêparkirin.

Ev welatiya Kurd roja Înê 8ê Tebaxa 2025an, li Merîwanê ji aliyê hêzên Îtilaata Spahê ve hatibû girtin û bo baregeha sereke ya Şehram Fer, girtîgeha vê saziyê li Sine hatibû veguhastin.

Heta dema belavbûna vê nûçeyê, derbarê sedemên girtin û tohmetên ku li dijî vê keça ciwan hatinî sepandin ti zanyariyek serast ber dest nîne.