Sumeyê Exterşimar ji çalakvana Sendîkayî ya Mamostayên Merîwanê ji kar hate derxistin
![](/content/upload/1/root/sumayeh-akhtarshams.jpg)
Hengaw; Yekşemî 26ê Gulana 2024an
Sumeyê Exterşimar ji çalakvana Encumena Sendîkayî ya Mamosteyên Merîwanê, bi biryara Heyeta Pêregihîştin bi Şaşiyan a îdarî, ji Perwerde û Hîndekariyê hate derxistin. Ev sizaye bi hincetên bê bingeh ên wekî lixwekirina cil û bergên Kurdî û weşandina "mijarên handerane" li dijî vê mamsoteyê hatiye sepandin.
Li gor rapora ku gihaye bi Saziya Mafê Mirovî ya Hengawê, mamoste Sumeyê Exterşimar a xelka gundê “Ruwar” ê ser bi bajarê Sewlavayê û rûniştiya bajarê Merîwanê bi pêşîneya 17 sal ezmûna kar di dibistanên vî bajarî de, ji kar hate dûrxistin.
Heyeta Pêregihîştin bi Şaşiyan a îdarî ya Sinê, bi bêyî amadebûna wê û parêzerê wê û herwiha bêyî pêşkêşkirina ti belgeyekê, biryara dûrxistina wê mamosteyê daye.
Tohmetên Sumeyê Exterşimar bi “lixwekirina cil û bergên Kurdî” yên wekî endamên partiyên Kurdistanî yên dijberê Komara Îslamî ya Îranê û belavkirina mijarên handerane li ser kanala Sendîkî ya Mamostayan hatiye zanîn.