کامێران؛ دەستبەسەرکران مووسا تابێعی لە لایەن هێزەکانی ئیدارەی ئیتلاعاتەوە
هەنگاو؛ پێنجەشەممە ٩ی ڕەشەممە ٢٧٢٤
مووسا تابێعی ، هاووڵاتیی کوردی خەڵکی شاری کامێران لە ئەنجامی هێرشی هێزەکانی ئیدارەی ئیتلاعات لەو شارە دەستبەسەر کرا و بۆ شوێنێکی نادیار گواستراوە.
بە پێی ڕاپۆرتی گەیشتوو بە ڕێکخراوی مافی مرۆفی هەنگاو، ڕۆژی چوارشەممە ٨ی ڕەشەممەی ٢٧٢٤ (٢٦ فێبریوەری ٢٠٢٥)، مووسا تابێعی ، باوکی دوو مناڵ و خەڵکی گوندی "لۆنە کۆن" سەر بە شاری کامێران دەستبەسەر کرا.
بە وتەی سەرچاوەیەکی ئاگاداری نیزیک لە بنەماڵەی موسا تابێعی ، ئەم هاووڵاتییە لە کاتی گەڕانەوە لە بازار بۆ ماڵی خۆی لە نیزیکی پاساژی شاهۆی کامێران، دەستبەسەر کراوەه.
مووسا تابێعی کرێکاری وەرزیە و یەکێک لە مناڵەکانی خاوەن پێداویستیی تایبەتە و توانای بەڕێوەبردنی کاری ڕۆژانەی نییە.
شایەنی باسە کە، مورتەزا تابێعی ، برای مووسا تابێعی یەکێک لە قوربانییەکانی جیهاد و هێرش کردنە سەر کوردستانە. ناوبراو خاکەلێوەی ٢٦٧٧ لە کاتێک کە تەمەنی ٢٠ ساڵ بوو لە ئەنجامی هێرشی چەکدارانەی هێزەکانی حکومەت کوژرا.
تا کاتی داڕشتنی ئەم ڕاپۆرتە لە هۆکاری دەستبەسەرکان، شوێنی ڕاگرتنی و تۆمەتە هەڵبەستراوەکان بۆ ئەم هاووڵاتییە زانیارییەکی وردە لەبەر دەستدا نییە
