هەنگاو ناسنامەی ٦ کوردی مەحکووم بەسیدارە لەمەشهەد ئاشکرا دەکات

هەنگاو: شەش بەندکراوی کورد لەبەندیخانەی مەشهەد ڕاگیراون کە سزای سێدارەیان بەسەردا سەپاوە و چاوەڕوانی بەڕێوەچوونی سزاکەیان دەکەن. بەپێی ڕاپۆرتی هەواڵنێری ماڵپەڕی مافی مرۆڤیی "هەنگاو"، ٦ بەندکراوی کوردی مەحکووم بە سزای سێدارە کە خەڵکی شارەکانی سەرەدەشت، مەریوان، بۆکان و مەهابادن، لە بەندیخانەی ناوەندیی شاری مەشهەد ڕاگیراون و چاوەڕوانی ەبڕێوەچوونی سزاکەیان دەکەن. هەواڵنێری "هەنگاو" ناسنامەی ئەو ٦ بەندکراوە کوردەی بەشێوەی خوارەوە ڕاگەیاند؛   ١_ بەختیار پەناهی تەمەن ٣٧ ساڵ، خەڵکی مەریوان کە ساڵی ٢٧١٥ (٩٤) دەستەبەسەرکراوە. ٢_ سڵێمان مەجیدپوور تەمەن ٣٢ ساڵ، خەڵکی مەهاباد و ساڵی ٢٧١٣(٩٢) دەستبەسەر کراوە. ٣_عەلی جەعفەری تەمەن ٢٧ ساڵ، خەڵکی سەردەشت و ساڵی ٢٧١٥(٩٤) دەستبەسەر رکاوە. ٤_ سەعید عەبدوڵڵازادە تەمەن ٣٠ ساڵ، خەڵکی مەریوان و ساڵی ٢٧١٦(٩٥) دەستبەسەر کراوە. ٥_ پەیمان حەسەنی(قەرەگوێزی) تەمەن ٣١ ساڵ، خەڵکی بۆکان و ساڵی ٢٧١٤(٩٥) دەستبەسەر کراوە. ٦_ ڕەسووڵ حەسەن‌زادە تەمەن ٣٩ ساڵ، خەڵکی سەردەشت و داڵی ٢٧١٦(٩٥) دەستبەسەر کراوە.   ئەو ٦ بەندکراوە کوردە کە ئێستا لە بەندیخانەی ناوەندیی شاری مەشهەد ڕاگیراون ، بە تۆمەتی "تاوانەکانی پەیوەندیدار بە ماددە هۆشبەرەکان" دەستبەسەر و لەلایەن دەزگای دادوەریی ڕێژیمی ئێرانەوە سزای سێدارەیان بەسەردا سەپێندراوە.