ئیلام / خوێندکارێکی کورد دەستەسەر کرا
١٤ بەفرانبار ٢٧١٧، ١٥:٤٩
هەنگاو: هێزە ئەمنییەکانی حکومەتی ئێران لە شاری ئیلام خوێندکارێکی کوردیان دەستبەسەر کرد.
بەپێی ڕاپۆرتی گەیشتوو بە ڕێکخراوی مافی مرۆڤیی “هەنگاو”، ڕۆژی دووشەممە (١١ی بەفرانبار / ١ی ژانویە)، هێزە ئەمنییەکانی حکومەتی ئێران لە شاری ئیلام خوێندکارێکی کوردیان بە ناوی “ئیحسان محەمەمدی” دەستبەسەر کردووە.
ئیحسان محەمەمدی خاوەن بروانامەی کارناسی باڵای مێژوو لە زانکۆی تارانە و خەڵکی دەڕەشاری پارێزگای ئیلامە کە بە تۆمەتی بەشداری لە ناڕەزایەتییەکانی ئەم دواییانەی ئیلام دەستبەسەر کراوە.
هەوڵەکانی بنەماڵەی ناوبراو بۆ ئاگاداربوون لە چارەنووس و شوێنی ڕاگیرانی هەتا کاتی ئامدە کردنی ئەم هەواڵە بێ ئاکام ماوەتەوە.
پێشتر “هەنگاو” لە ڕاپۆرتێکدا ناسننامەی ٣٠ کەس لە گیراوانی ئیلامی بڵاو کردبووە.
