خوێندکارێکی سەردەشتی دەستبەسەر کرا
٢ ڕێبەندان ٢٧١٧، ١٩:١٤
هەنگاو: خوێندکارێکی خەڵکی سەردەشت لەلایەن هێزە ئەمنییەکانی ئورمیەوە دەستبەسەر و بۆ بەندیخانەی ناوەندیی ئەو شارە گوازرایەوە.
بەپێی هەواڵی گەیشتوو بە ماڵپەڕی مافی مرۆڤیی ”هەنگاو“، ڕۆژی شەممە (٢٣ی بەفرانبار / ١٣ی ژانویە)، خوێندکارێکی کورد بە ناوی ”ئیبراهیم محەمەمد پوور“ لەلایەن هێزە ئەمنییەکانی ئورمییەوە دەستبەسەر کراوە.
بە وتەی سەرچاوەیەکی ئاگادار، ئیبراهیم محەممەد پوور خەڵکی سەردەشت و خوێندکاری زانکۆی ئورمیە بووە کە بە تۆمەتی بەشداری لە خۆپێشاندانەکانی ئورمیە دەستبەسەر کراوە.
ئەو خوێندکارە سەردەشتییە ئێستا لە بەندی ١٣ی بەندیخانەی ناوەندیی ئورمیە کە بە بەندی لاوان ناسراوە، ڕاگیراوە.
