خوێندکارێکی کرماشانی دەستبەسەر کرا
١٤ ڕێبەندان ٢٧١٧، ٠١:٥٤
هەنگاو: خوێندکارێکی خەڵکی کرماشان لەلایەن هێزە ئەمنییەکانی حکومتی ئێرانەوە دەستبەسەر کرا.
بەپێی ڕاپۆرتی گەیشتوو بە ماڵپەڕێ مافی مرۆڤیی ”هەنگاو“، ڕۆژی پێنج شەممە (١٢ی ڕێبەندان / ١ی فێڤریە)، هێزە ئەمنییەکانی حکومەتی ئێران هێرشیان کردووەتە سەر ماڵی باوکی ”سەعید ئیقباڵی“ لە شاری کرماشان و ئەو خوێندکارە کوردەیان دەستبەسەر کردووە.
سەعید ئیقباڵی چالاکی خوێندکاری خەڵکی کرماشان لە شاری تاران خوێندکار بووە و بەمەبەستی سەردای بنەماڵەکەی گەڕابوویەوە بۆ ئەو شارە.
ئەو خوێندکارە کوردە لەگەڵ هاوژینەکەی چەندین جار دەستبەسەر و بانگهێشتی ناوەندە ئەمنییەکان کرابوون.
