کووهدەشت/ تەقینەوە لە قوتابخانە، بریندار بوونی چوار کچی لێ کەوتەوە
٨ ڕەشەمە ٢٧١٧، ١٥:٠٦
هەنگاو: بەهۆی تەقینەوەی مادەی یاری ئاگرین لە قوتابخانەیەک، چوار کچ بریندار بوون و بۆ نەخۆشخانە گوازرانەوە.
بەپێی هەواڵی گەییشتوو بە ماڵپەڕی مافی مرۆڤیی “هەنگاو”، سەرلەبەیانیی ئەمڕۆ سێ شەممە (٨ی ڕەشەممە / ٢٧ی فوریە) ، مادەی یاری ئاگرین خراوەتە ناو حەوشەی قوتابخانەی دواناوەندیی حیجاب لە کووهدەشتی لوڕستان.
هەواڵدەرییە ناوچەییەکان هەواڵی برینداربوونی ٤ کچیان بڵاو کردووەتەوە.
دەوترێت کە ئەم کچانە بۆ نەخۆشخانە گوازراونەتەوە و هەنووکە لە ژێر چاوەدێریی پزیشکیدان.
بەپێی ئەم ڕاپۆرتە، مەچەکی دەستی یەکێک لەو کچانە پەڕیوە.
دوای ئەو تەقینەوەیە قوتابخانەی کچانەی حیجاب تا کاتێکی نادیار داخراوە.
