کرماشان/ هونەرمەندێکی کورد لەسێدارە درا
هەنگاو: حوکمی سێدارەی هاووڵاتییەکی کورد لە بەندیخانەی ناوەندیی شاری کرماشان جێبەجێ کرا.
بەپێی ڕاپۆرتی گەیشتوو بە ماڵپەڕێ مافی مرۆڤیی ”هەنگاو“، کاتژمێر ٥ی بەیانی ڕؤژی یەک شەممە (١٣ی ڕەشەممە / ٤ی امر٩، حوکمی سێدارەی هاووڵاتییەکی کورد لە بەندیخانەی دێزڵئاوای کرماشان بەڕێوە چوو.
هەواڵنێری ”هەنگاو“ لە کرمانشان ناسننامەی ئەو کەسەی ”کەیوان ڕاشخوار“ زەردۆیی“ ڕاگەیاندووە.
کەیوان تەمەن ٢٧ ساڵ و کوڕی مەلوود بووە کە ٥ ساڵ پێش بە تۆمەتی کوشتنی ئەنقەستی پورزایەکی خۆی بەناوی ”تەیموور زارعی“ دەستبەسەر و دواتر لەلایەن دەزگای دادوەریی ئێرانەوە حوکمی سـێدارەی بەسەردا سەپێندرابوو.
ناوبراو هونەرمەند بووە و ساڵی ١٣٨٩ی هەتاویش ئاڵبوومێکی موسیقای بڵاو کردبوویەوە.
یەکێک لە نزیکانی بنەماڵەی کەیوان بە “هەنگاو”ی ڕاگەیاند کە ئەڕۆ تەرمی ناوبراو ڕادەستی بنەماڵەکەی کراوە و لە گۆڕستانی “وەیس” ئەسپەردەی خاک کراوە.
هەواڵنێری “هەنگاو” ڕایگەیاند کە شەوی ڕابردوو دوو کەسی دیکەش بە مەبستی جێبەجێ کردنی حوکمی سیدارە بۆ ژووری تاکەکەسی گوازراونەتەوە کە هەتا ئێستا چارەنووسیان نادیارە.
