برینداری بوونی کۆڵبەرێک لە سنووری نەوسوود

پشتیوانی لە هەنگاو

هەنگاو: کۆڵبەرێک بە تەقەی ڕاستەوخۆی هێزەکانی سپای پاسداران لە یەکێک لە ناوچە سنوورییەکانی شارۆچکەی نەوسوودی سەر بە شاری پاوەی پارێزگای کرماشان بریندار کرا.

بە گوێرەی هەواڵی گەیشتوو بە ڕێکخراوی مافی مرۆڤی هەنگاو، ڕٶژی شەممە ٩ی ڕەشەممەی ٢٧٢٠ (٢٧ی فێبریوێری ٢٠٢١)، هێزەکانی سپای پاسداران لە سنووری نەوسوود بە تاپڕ تەقەیان لە لە ژمارەیەک لە کۆڵبەران کردووە.

لە ئەنجامی ئەم تەقە کردنەدا کۆڵبەرێکی لاو بە ناوی "محەمەد" خەڵکی گوندی "داریان"ی پاوە سەری پێکراوە وسەری بریندار بووە.