خۆی ـ تەقەی ڕاستەوخۆی هێزە چەکدارەکانی ئێران برینداربوونی کۆڵبەرێکی لێ کەوتەوە

هەنگاو: هێزە چەکدارەکانی حکومەتی ئێران لە سنووری خۆی کۆڵبەرانی کوردیان دایە بەر دەسڕێژی گولـلە.

بەپێی هەواڵی گەییشتوو بە ماڵپەڕی مافی مرۆڤیی “هەنگاو”، ڕۆژی دووشەممە  ( ١٤ی ڕەشەممە / ٥ی مارس)،کۆڵبەرێکی کورد لە ناوچە سنوورییەکانی خۆی کەوتە بەر گولـلەی هێزە داگیرکەرەکانی حکومەتی ئێران و بە توندی بریندار بوو.

هەواڵنێری “هەنگاو” ناسنامەی ئەم کۆڵبەرە کوردەی ئیبراهیم شاکری ڕاگەیاند و وتیشی کە بە هۆی تەقەی هێزە چەکدارەکانی ئێرانەوە پشتی بە سەختی بریندار بووە.

دەوترێت کە ئەم کۆڵبەرە کوردە هەنووکە لە یەکێک لە ناوەندە دەرمانییەکانی ئورمیە لەژێر چاوەدێریی پزیشکیدایە.