دوو کۆڵبەری خەڵکی پیرانشار بریندار کران
هەنگاو: دوو کۆڵبەری خەڵکی پیرانشار بە تەقەی ڕستەوخۆی هێزە چەکدارەکانی ئێران بریندار کران.
٨ گەلاوێژ ٢٧١٩، ١٩:٤١
هەنگاو: دوو کۆڵبەری خەڵکی پیرانشار بە تەقەی ڕستەوخۆی هێزە چەکدارەکانی ئێران بریندار کران.
بەپێی ڕاپۆرتی گەیشتوو بە ڕێکخراوی مافی مرۆڤی هەنگاو، ڕۆژی سێشەممە (٨ی گەلاوێژی ٢٧١٩ / ٣٠ی ژوئیەی ٢٠١٩)، هێزە چەکدارەکانی ئێران لە سنوورەکانی پیرانشار دەستڕێژیان لە کۆڵبەران کردووە و دوو کۆڵبەر بە سەختی بریندار بوون.
سەرچاوەیەکی ئاگادار ناسنامەی ئەو دوو کۆڵبەرە بریندارەی ”محەمەد حەسەن زادە“ و ”محەمەد چووکەڵی“ ڕاگەیاندووە.
ئەو دوو کۆڵبەرە بە مەببەستی چارەسەریی پزیشکی گوازراونەتەوە بۆ نەخۆشخانەی شاری چۆمان لە هەرێمی کوردستان و لە ژێر چاوەدێریی پزشیکیدان.
