خۆکوشتنی منداڵێکی کار لە مەریوان

خۆکوشتنی منداڵێکی کار لە مەریوان

23:06 - 6 February 2022

 

هەنگاو: منداڵێکی کار لە شوێنی کارەکەی خۆی لە شاری مەریوان هەوڵی خۆکوشتنی دا و کۆتایی بە ژیانی خۆی هێنا.

بەگوێرەی ڕاپۆرتی گەیشتوو بە ڕێکخراوی مافی مرۆڤی هەنگاو، ڕۆژی شەممە ١٦ی ڕێبەندانی ٢٧٢١ (٥ی فێوریەی ٢٠٢٢)، مێرمنداڵێکی تەمەن ١٥ ساڵی خەڵکی مەریوان بە ناوی پارسا نامداری لە شوێنی کارەکەی خۆی هەڵواسیوە و کۆتایی بە ژیانی خۆی هێناوە.

بە وتەی سەرچاوەیەکی ئاگادار، پارسا نامداری تەمەن ١٥ ساڵ بووە و لە شوێنی کارەکەی (میکانیکی) کۆتایی بە ژیانی خۆی هێناوە.

هەتا کاتی ئامادە کردنی ئەم هەواڵە هۆکاری خۆکوشتنی پارسا نامداری نەزانراوە.