کاسبکارێکی ١٧ ساڵە لە سنووری بانە بریندار کرا

کاسبکارێکی ١٧ ساڵە لە سنووری بانە بریندار کرا

22:24 - 21 May 2022

 

هەنگاو: شەممە ٣١ی بانەمەڕی ٢٧٢٢

کاسبکارێکی مێرمنداڵی خەڵکی بانە بە ناوی سینا مەعرووفی تەمەن ١٧ ساڵ ڕۆژی شەممە ٣١ی بانەمەڕی ٢٧٢٢ لە سنووری "کێلێ " ی بانە لەلایەن هێزە چەکدارەکانی ئێرانەوە درایە بەر لێدان و کوتان و بە سەختی بریندار کرا.

بە وتەی سەرچاوەیەکی نزیک لە بنەماڵەی مەعرووفی، هێزە چەکدارەکان بە قونداخی چەکی کڵاشینکۆف چەندین زەربەیان لە سەری سینا داوە و بە سەختی بریندار بووە و دواتر بۆ بنکە تەندروستییەکان گوازراوەتەوە.

جێگای ئاماژەیە کە هێزەکانی هەنگی سنووری ئەمڕۆ لە سنووری کێلێ ئۆتۆمبێلی کاسبکارێکیان داوەتە بەر دەستڕێژ و تەقەیان لە کۆڵبەران کردووە. هەروەها دەستیان بە سەر باری کاسبکارەکاندا گرتووە.