کۆڵبەرێکی خەڵکی پیرانشار بە تەقەی هێزەکانی ئێران بریندار کرا

16:08 - 8 March 2019

 

هەنگاو؛ کۆڵبەرێکی لاوی خەڵکی پیرانشار لە سنووری ئەو شارە بە تەقەی ڕاستەوخۆی هێزە چەکدارەکانی ئێران بریندار کرا.

بەپێی ڕاپۆرتی ڕێکخراوی مافی مرۆڤی هەنگاو، بەرەبەیانی ڕؤژی هەینی (١٧ی ڕەشەممەی ٢٧١٨ / ٨ی مارسی ٢٠١٩٩، هێزە چەکدارەکانی ئێران لە سنووەکانی پیرانشار پۆلێک کۆڵبەریان داوەتە بەر دەستڕێژی گوللە و لە ئاکامدا کۆڵبەرێک بە سەختی بریندار بووە.

هەواڵنێری هەنگاو لە شاری پیرانشار ناسنامە ئەو کۆڵبەرەی ”ئەبووبەکر“ و خەڵکی گوندی شەختان ڕاگەیاندووە.

ئەو کۆڵبەرە کە بە سەختی پێکراوە، مە بەەستی چارەسەریی پزیشکی ڕەوانەی ناوەندە دەرمانییەکانی پیرانشار کراوە و ئێستا لە ژێر چاوەدێریی پزیشکیدایە.