ڕفاندنی سەید حیسام نەجمی، خەڵکی مەریوان لەلایەن هێزەکانی حکوومەتەوە

هەنگاو؛ چوارشەممە ٣ی ڕەشەممەی ٢٧٢٢

هاووڵاتییەکی خەڵکی مەریوان بە ناوی سەید حیسام نەجمی لەلایەن هێزەکانی ئیتلاعاتەوە لەم شارە ڕفێندرا و بۆ شوێنێکی نادیار گواستراوە.
 

بەپێی ڕاپۆرتی گەیشتوو بە ڕێکخراوی مافی مرۆڤی هەنگاو، ڕۆژی دووشەممە ١ی ڕەشەممەی ٢٧٢٢ (٢٠ی فێبریوەری ٢٠٢٣) سەید حیسام نەجمی، تەمەن ٣٩ ساڵ و خەڵکی مەریوان لەلایەن هێزەکانی ئیدارەی ئیتلاعاتەوە ڕفێندرا.

بەوتەی سەرچاوەکانی هەنگاو، ئەم هاووڵاتییە لە شوێنی کارەکەی و لە کاتی ئەنجامدانی کاری ڕۆژانەی لەلایەن هێزەکانی حکوومەتەوە ڕفێندراوە.

هەتا ئێستا بەدواداچوونەکانی بنەماڵە و نزیکانی ناوبراو بێ ئاکام ماوەتەوە و چارەنووس و شوێنی ڕاگیرانی ناڕوونە.