ھەینی ٧ بانەمەڕ، ٢٧٢٤

دوو بەندکراوی سیاسی خەڵکی بۆکان دوای ٧ ساڵ بەندکران ئازاد کران

حوسێن ئیبراهیم حەمزە و جەماڵ یووسفی دوو بەندکراوی سیاسی خەڵکی بۆکان، دوای حەوت ساڵ بەندکران بێ یەک ڕۆژ مافی مرەخەسی، ئەمڕۆ یەکشەمم

٢٥ بانەمەڕ ٢٧٢٢، ٠٤:٥٥
هەواڵەکان
بەندکراوان

 

هەنگاو: یەکشەممە ٢٥ی بانەمەڕی ٢٧٢٢

حوسێن ئیبراهیم حەمزە و جەماڵ یووسفی دوو بەندکراوی سیاسی خەڵکی بۆکان، دوای حەوت ساڵ بەندکران بێ یەک ڕۆژ مافی مرەخەسی، ئەمڕۆ یەکشەممە ٢٥ی بانەمەڕی ٢٧٢٢ لە بەندیخانەی ناوەندیی مەهاباد ئازاد کران.

هەنگاو زانیویەتی کە جەماڵ یووسفی و حوسێن ئیبراهیم حەمزە، دوای ٧ ساڵ ناڕوونی چارەنووسیان لە بەندیخانەکانی ئورمیە، بۆکان و مەهاباد دواجار لە مانگی سەرماوەزی ساڵی ڕابردوودا لە ڕێگەی ڤیدیۆ کۆنفرانس دانیشتنی دادگاکەیان لە لقی یەکەمی دادگای شۆڕشی مەهاباد بەڕێوە چووە بە تۆمەتی «ئەندامەتی لە حیزبی دێموکراتی کوردستانی ئێران هەر کامەیان سزای ٥ ساڵ و ٧ مانگ و ١٦ ڕۆژ بەندکرانیان بە سەردا سەپاوە و ئەو سزایە لە ڕۆژانی ڕابردوودا پێیان ڕاگەیەندراوە.

حوسێن ئیبراهیم حەمزە تەمەن ٤٤ ساڵ و جەماڵ یووسفی لە ساڵی ٢٧١٥ لە لایەن هێزەکانی ئیتلاعاتی بۆکان دەستبەسەر و بۆ دەستبەسەرگەی ئەم ناوەندە ئەمنییە لە شاری ئورمیە گوازرانەوە.

ئەو دوو بەندکراوە سیاسییە پاش کۆتایی هاتنی لێپرسینەوەکانیان بۆ بەندیخانەی ناوەندیی ئورمیە گوازرانەوە و پاش دوو ساڵ بۆ بەندیخانەی ناوەندیی بۆکان گوازرانەوە.

حوسێن ئیبراهیم حەمزە جەماڵ یووسفی ساڵی ڕابردوو بە شێوەیەکی لە ناکاو لە بەندیخانەی بۆکانەوە بۆ بەندیخانەی ناوەندیی مەهاباد گوازرانەوە و هەتا کاتی ئازادی لەو بەندیخانەیە ڕاگیرابوون.

حوسێن ئیبراهیم حەمزە و جەمال یووسفی لە ماوەی حەوت ساڵی ڕابردوودا بێبەش کراون لە دەستڕاگەیشتن بە پارێزەر، هەروەها مافی مرەخەسیشیان پێ نەدراوە.

 


 

زیاتر بخوێننەوە لەم بارەوە

زاهیدان؛ گیانلەدەستدانی بەندکراوێک بەهۆی پێڕانەگەیشتنی پزیشکی
٣ بانەمەڕ ٢٧٢٤، ١٠:٥٠
بەندیخانەی نەغەدە؛ حوسێن بورکە سزای بەندکران و دوورخستنەوەی بەسەردا سەپا
٣١ خاکەلێوە ٢٧٢٤، ٠٨:٢٤
بەندیخانەی ناوەندیی ئورمیە؛ حەسەن عومەرپوور مانی لە خواردن گرت
٢٩ خاکەلێوە ٢٧٢٤، ١٨:٥٢
بەندیخانەی ناوەندیی ئورمیە؛ شاکر بێهرووز بەندکراوی سیاسی کورد مانی لە خواردن گرت
٢٨ خاکەلێوە ٢٧٢٤، ٢٠:٥١
بێسەروشێنکردنی زۆرەملێی سێ چالاکی ئایینی لە سنە بۆ ماوەی ٢٠ مانگ
٢٥ خاکەلێوە ٢٧٢٤، ١٠:٢٦
سەقز؛ دوورخستنەوەی ئەمین مەلەکی بەندکراوی سیاسیی کورد بۆ بەندیخانەی کاشمەری خوراسانی ڕەزەوی
٢٢ خاکەلێوە ٢٧٢٤، ١٢:٥٩
شیراز؛ حوسێن حوسێن‌پوور، لە ناڕازییانی برینداربووی چاو، بەمەبەستی چارەسەری پزیشکی مافی مەرەخەسی پێدرا
٢٠ خاکەلێوە ٢٧٢٤، ١٩:١٧
سەکینە پەروانە لە ساڵڕۆژی دەستبەسەرکردنیدا، لە بەندیخانەی وەکیل‌ئابادی مەشهەد بۆ بەندیخانەی ئێڤین گواسترایەوە
١٥ خاکەلێوە ٢٧٢٤، ٢١:٤٧