Bilindbûna hejmara girtiyên hatinî darvekirin li girtîgeha Lakana Reştê

Hengaw; Yekşemî 1ê Kanûna 2024an

Sizayê darvekirina girtiyekî Kurd ê bi navê “Sîrûs Ceiferî” yê xelkê bajarê Kirmaşanê ku berê bi tohmeta pêwendîdar bi “madên hişber” hatibû girtin û bi îdamê hatibû sizadan, li 20ê Mijdarê li girtîgeha Lakan a bajarê Reştê hatiye birêveçûn. Hengawê berê nûçeya birêveçûna sizayê darvekirina girtiyekî din ê Kurd di heman girtîgehê de belav kiribû.

Pêka rapora ku gihaye bi Saziya Mafê Mirovî ya Hengawê, sibêdeha roja Çarşemî 20ê Mijdara 2024an, sizayê darvekirina girtiyekî Kurd ê bi navê Sîrûs Ceiferî yê 45 salî û xelkê Kirmaşanê li girtîgeha Lakan a bajarê Reştê hate birêveçûn.

Li gorî çavkaniyeke agehdar, ev girtiye berê bi tohmeta madên hişber hatibû girtin û bi îdamê hatibû sizadan.

Hengawê berî niha nûçeya birêveçûna sizayê darvekirina girtiyekî din ê Kurd di heman rojê de yê bi navê Elî Terkeşbend ê 53 salî û xelkê gundê "Siya Çeqa" ê ser bi bajarê Sehnê belav kiribû. Navbirî jî bi tohmeta madên hişber hatibû girtin û bi darvekirinê hatibû sizadan.

Nûçeya darvekirina van du girtiyên Kurd heta dema belavbûna vê nûçeyê, li medyayên hikûmetî û bi taybetî yên ser bi Dezgeha Dadwerî nehatiye   belavkirin.