Birêveçûna sizayê darvekirina Subhan Ceiferî û Mihemedkerîm Muradî li girtîgehên Xuremava û Kirmaşanê

Hengaw; Şemî 29ê Mijdara 2025an

Sizayê darvekirina du girtiyan bi navên Subhan Ceiferî û Mihemedkerîm Muradî ku berê bi tohmetên "kuştina bi qest" û "madên hişber" ji aliyê Dezgeha Dadwerî ya Komara Îslamî ya Îranê ve bi darvekirinê hatibûne sizadan, li girtîgehên Xuremava û Kirmaşanê hate cîbicîkirin.

Li gorî rapora ku gihaye bi Saziya Mafê Mirovî ya Hengawê, sibêdeha roja Şemî 29ê Mijdara 2025an, sizayê darvekirina girtiyekî Lor ê bi navê Subhan Ceiferî, li girtîgeha navendî ya Xuremavayê hate cîbicîkirin. Ev girtî berê bi tohmetên girêdayî madên hişber hatibû girtin û ji aliyê Dezgeha Dadwerî ya Komara Îslamî ya Îranê ve bi darvekirinê hatibû sizadan.

Di heman rojê de, sizayê darvekirina girtiyekî Kurd ê bi navê Mihemedkerîm Muradî yê xelkê Kirmaşanê, li girtîgeha navendî ya Kirmaşanê (girtîgeha Dîzilava) hate cîbicîkirin. Li gorî çavkaniyên agehdar, ev girtî çar sal berî niha bi tohmeta kuştina bi qest hatibû binçavkirin û ji aliyê Dezgeha Dadwerî ya Komara Îslamî ya Îranê ve bi darvekirinê hatibû sizadan.

Heta dema belavbûna vê raporê, nûçeya darvekirina van her du girtiyan di medyayên hikûmetî û bi taybetî medyayên girêdayî Dezgeha Dadwerî de nehatiye belavkirin.