Rewanser; Raporek derheq girtin û nexuyabûna çarenivîsa Şahîn Elîpûr
Hengaw; Çarşemî 15ê Çileya 2025an
Welatiyekî Kurd ê xelkê bajarê Rewaserê yê bi navê Şahîn Elîpûr, sê roj berî niha ji aliyê hêzên ewlehî yên Komara Îslamî ya Îranê ve hatiye girtin û bo cihekî nexuya hatiye veguhastin û heta niha ti zanyariyek ji qedera wî ber dest nîne.
Pêka rapora ku gihaye bi Saziya Mafê Mirovî ya Hengawê, roja Çarşemî 15ê Çileya 2025an, Şahîn Elîpûr ê temen 21 salî û xelkê bajarê Rewanser ê ser bi parêzgeha Kirmaşanê, bi êrîşa hêzên îdareya Îtilaatê bo ser mala wî li vî bajarî hate girtin û bo cihekî nexuya hate veguhastin.
Li gorî çavkaniyeke agehdar, tevî derbasbûna sê roj ji binçavkirina Şahîn Elîpûr, lipeyketinên malbata navbirî derheq agehdarbûn ji çarenivîs û rewşa wî heta niha bê encam maye.
Heta dema belavbûna vê nûçeyê, ti zanyariyek serast derbarê sedemên girtin, tohmetên ku li dijî wî hatinî sepandin, çarenivîs û cihê ragirtina vî welatiyê Kurd li ber dest nîne.
