Merîwan; Girtin û nexuyabûna çarenivîsa Kamiyar Nîkfer

Hengaw; Şemî 25ê Çileya 2025an

Kamiyar Nîkfer, welatiyê Kurd ê xelkê bajarê Merîwanêji hefteya borî ve ji aliyê hêzên ewlehî yên Komara Îslamî ya Îranê ve hatiye girtin û bo cihekî nexuya hatiye veguhastin û ti zanyariyek ji çarenivîsa wî ber dest nîne.

Pêka rapora ku gihaye bi Saziya Mafê Mirovî ya Hengawê, roja Yekşemî 19ê Çileya 2024an, Kamiyar Nîkfer ê temen 19 salî û xelkê bajarê Merîwanê ji aliyê hêzên îdareya Îtilaatê ve li vî bajarî hate girtin û bo cihekî nexuya hate veguhastin û piştî derbasbûna hefteyek ji girtina wî ti zanyariyek ji çarenivîsa vî welatiyê Kurd ber dest nîne.

Pêka çavkaniyeke agehdar, Kamiyar Nîkfer, li şeqama Darsêran a Merîwanê bi bê ti cure belgeyeke yasayî hatiye girtin.

Heta dema belavbûna vê nûçeyê, zanyariyek serast derbarê sedemên girtin, tohmetên ku li dijî wî hatinî sepandin, cihê ragirtin û çarenivîsa vî welatiyê Kurd li  ber  dest  nîne.