Miyanduav; 6 welatiyên Kurd ji aliyê hêzên ewlehî ve hatine girtin

23 February 2025 22:07

Nûçe

Girtîgeh

Kurdistan

Girtin

Hengaw; Yekşemî 23ê Şibata 2025an

Herî kêm 6 welatiyên Kurd û xelkê bajarê Miyanduavê yên bi navên Bêhzad Berceste, Keywan Berceste, Şehab Tiwan, Xaliq Rehîmî, Nîma Qurbanzade û Sidîq Ebasnijad ji aliyê hêzên ewlehî ve hatine girtin.

Pêka rapora ku gihaye bi Saziya Mafê Mirovî ya Hengawê, roja Şemî 22ê Şibata 2025an, hêzên Îtlaatê li Urmiyê êrîşî ser gundê Birahîmava yê girêdayî bajarê Miyanduavê kirin û çar welatiyên Kurd ên bi navên Bêhzad Berceste, Keywan Berceste, Şehab Tiwan, Nîma Qurbanzade girtin.

Hevdem van hêzan Xaliq Rehîmî yê xelkê gundê Gamêşgolî û Sidîq Ebasnijad yê xelkê gundê Qela Helakoxan (Husênava) binçav kirin.

Pêka gotina çavkaniyeke agehdar, hêzên Îdareya Îtilaata Urmiye û Miyanduavê bi awayekî hovane û tundûtîjî ev welatiyên Kurd di malên wan de girtine û piştre bo yek ji girtîgehên hêzên ewlehî li bajarê Urmiyê veguhastine.

Heta dema belavbûna vê nûçeyê, derbarê sedemên girtin, tohmetên ku li dijî wan hatinî sepandin, cihê ragirtin û qedera van welatiyên Kurd, ti zanyariyek serast li ber dest nînin.

Source: Hengawê Kurdî

Miyanduav; 6 welatiyên Kurd ji aliyê hêzên ewlehî ve hatine girtin

Di vî warî de zêde bixwînin