Miyanduav; Girtina Mobîn Mecîdzade û hejmara girtiyan giha bi 7 kesan

23 February 2025 23:32

Nûçe

Girtîgeh

Kurdistan

Girtin

Hengaw; Yekşemî 23ê Şibata 2025an

Piştî eşkerebûna navê welatiyekî din ê bi navê Mobîn Mecîdzade, hejmara girtiyên duh li bajarê Miyanduavê giha bi 7 kesan. Hengawê berê nûçeya girtina 6 welatiyên dinê ragihandibû.

Pêka rapora ku gihaye bi Saziya Mafê Mirovî ya Hengawê, êvareya roja Şemî 22ê Şibata 2025an, hêzên îdareya Îtlaatê Mobîn Mecîdzade yê xelkê gundê “Gamêşgolî” yê girêdayî bajarê Miyanduavê di mala wî de bi awayekî tundûtîjî binçav kirin.

Hengawê berê nûçeya girtina 6 welatiyên Kurd ên bi navên Bêhzad Berceste, Keywan Berceste, Şehab Tiwan û Nîma Qurbanzade yên xelkê gundê “Birahîmava” ê ser bi bajarê Miyanduavê, Xaliq Rehîmî yê xelkê gundê Gamêşgolî û Sidîq Ebasnijad ê xelkê gundê “Qelaya Holakoxan” (Husênava) li vî bajarî rahihandibû.

Pêka gotina çavkaniyeke agehdar, hêzên Îdareya Îtilaata Urmiye û Miyanduavê bi awayekî hovane û tundûtîjî ev welatiyên Kurd di malên wan de girtine û piştre bo yek ji girtîgehên hêzên ewlehî li bajarê Urmiyê veguhastine.

Heta dema belavbûna vê nûçeyê, derbarê sedemên girtin, tohmetên ku li dijî wan hatinî sepandin, cihê ragirtin û qedera van welatiyên Kurd, ti zanyariyek serast li ber dest nînin.

Source: Hengawê Kurdî

Miyanduav; Girtina Mobîn Mecîdzade û hejmara girtiyan giha bi 7 kesan

Di vî warî de zêde bixwînin