Raporek li ser birêveçûna sizayê darvekirina 7 girtiyan li girtîgeha navendî ya Îsfehanê

26 February 2025 11:46

Nûçe

Darvekirin

Madên hişber

Hengaw; Çarşemî 26ê Şibata 2025an

Di heyama rojên Çarşem û Pêncşemiya hefteya borî de sizayê darvekirina 7 girtiyan ji wan 4 girtiyên Lor û girtiyekî Belûç ên bi navên Husên Geşûl, Bêhrûz Geşûl, Şahîn Goderzî, Esxer Dêhqanî, Mucteba Xuremdil, Wehîd Muhebî û Ehmed Henefî ku berê bi tohmetên wekî kuştina bi qest û madên hişber bi darvekirinê hatibûne sizadan, li girtîgeha navendî ya Îsfehanê hate birêveçûn.

Pêka rapora ku gihaye bi Saziya Mafê Mirovî ya Hengawê, sibêdeha roja Pêncşemî 20ê Şibata 2025an, sizayê darvekirina Husên Geşûl ê temen 32 salî û pismamê wî yê bi navê Bêhrûz Geşûl ê temen 35 salî, herdu hevwelatiyê Lor ên Bextiyarî û xelkê Îsfehanê li girtîgeha Destgird a vî bajarî hate birêveçûn.

Li gorî çavkaniyeke agehdar, ev du girtiyane şeş sal berî niha di dosyeyeke hevbeş de digel Ferhad Geşûl ê birayê Bêhrûz Geşûl bi tohmeta "kuştina bi qest" hatibûe girtin û ji aliyê Dezgeha Dadwerî ya Komara Îslamî ya Îranê ve bi darvekirinê hatibûne sizadan. Hengaw hatiye agehdarkirin ku sizayê darvekirina Ferhad Geşûl nehatiye cîbicîkirin û bo bendê hatiye veguhastin.

Ji aliyeke dinê ve, roja Çarşemî 19ê Şibata 2025an jî, sizayê darvekirina du girtiyên bi navên Şahîn Goderzî yê welatiyê temen 40 salî û xelkê Birûcirdê û Esxer Dêhqanî yê temen 51 salî û hevwelatiyê Lor ê Bextiyarî yê xelkê Îsfehanê bi tohmeta "kuştina bi zanebûnê" li vê girtîgehê hatiye cîbicîkirin. Şahîn Goderzî 4 sal berî niha û Esxer Dêhqanî 5 sal berî niha bi tohmeta "kuştina bi qest" hatibûne girtin û bi darvekirinê hatibûne sizadan.

Di heman rojê de, sizayê darvekirina sê girtiyên bi navên Ehmed Henefî yê temen 37 salî û xelkê Taybadê, Wehîd Muhebî yê welatiyê Belûç û xelkê Zabolê û Mucteba Xuremdil ê temen 30 salî û xelkê Bender Ebasê ku berê di dosyeyên cuda de bi tohmetên pêwendîdar bi madên hişber bi darvekirnê hatibûne sizadan, li vê girtîgehê hate birêveçûn. Ehmed Henefî û Mucteba Muhebî 4 sal berî niha û Wehîd Muhebî jî 6 sal berî niha hatibûne girtin û bi darvekirinê hatibûne sizadan.

Nûçeya darvekirina van 7 girtiyan, heta dema belavbûna vê nûçeyê li medyayên ser bi hikûmetê û nemaze yên girêdayî Dezgeha Dadwerî nehatiye belavkirin.

Source: Hengawê Kurdî

Raporek li ser birêveçûna sizayê darvekirina 7 girtiyan li girtîgeha navendî ya Îsfehanê

Di vî warî de zêde bixwînin