Dêwulan; Girtina Seidulah Ayînî ji girtiyê tevgera Jin Jiyan Azadî, bi mebesta cîbicîkirina sizayê girtîgehê
Hengaw; Duşemî 3ê Adara 2025an
Seidulah Ayînî, çalakvanê medenî yê xelkê bajarê Dêwulanê û ji girtiyên tevgera “Jin Jiyan Azadî” bi mebesta cîbicîkirina sizayê 12 sal û yek roj girtîgeha bi ser de hatî sepandin, hate girtin û bo girtîgeha navendî ya Îlamê hate veguhastin.
Pêka rapora ku gihaye bi Saziya Mafê Mirovî ya Hengawê, roja Şemî 1ê Adara 2025an, Seidulah Ayînî yê çalakvanê Kurd li encama êrîşa hêzên ewlehî bo ser mala wî û bi bê hebûna ti cure belgeyeke yasayî bi awayekî hovane hate girtin û bi mebesta cîbicîkirina sizayê girtîgehê, bo girtîgeha navendî ya Îlamê hate veguhastin.
Ev welatiye meha Çileya 2024an, ji aliyê Taya Yekem a Dadgeha Şoreş ve bi 12 sal û yek roj girtîgeha sepiyayî hatibû sizadan ku ev sizaye ji aliyê Dadgeha Pêdaçûnê ve bo carek din wek xwe hatibû pejirandin.
Çend demjimêr piştî xwenîşandan xelkê li êvareya 14ê Şibata 2023an li Dêwulanê, Ferşad Ayînî, Seidulah Ayînî, Ezîm Yadigarî û Sefura Melekî ji aliyê hêzên ewlehî yên vî bajarî ve hatibûne girtin.
Hêjayî gotinê ye ku, Seidulah Ayînî tevî Ezîm Yadigarî, Husêyn Bapîrwend û Ferşad Ayînî bi nîşandana nerazîbûnê li derheq rewşa xwe ya nexuya û dirêjkirina heyam girtina wan ya du mehe bo heyamekê li girtîgeha navendî ya bajarê Îlamê dest avêtibûne bi greva birçîbûnê.
