Qesra Şîrîn; Girtin û nexuyabûna çarenivîsa du welatiyên Kurd ên peyrewên ola Yarsan

22 February 2025 16:18

Nûçe

Girtîgeh

Kurdistan

Girtin

Yarsan

Kêmîne

Hengaw; Şemî 22ê Şibata 2025an

Du welatiyên Kurd û xelkê bajarê Qesra Şîrîn ê ser bi parêzgeha Kirmaşanê û ji peyrewên ola Yarsan ên bi navên Luqman Weysî û Nasir Ezîzî, ji aliyê hêzên îdareya Îtilaatê ya Komara Îslamî ya Îranê ve li vî bajarî hatine girtin û bo cihekî nediyar hatine veguhastin û bi derbasbûna hefteyek ji binçavkirina wan ti zanyariyek derheq qedera wan li ber dest nîne.

Pêka rapora ku gihaye bi Saziya Mafê Mirovî ya Hengawê, roja Şemî 15ê Şibata 2025an, du welatiyên Kurd ên bi navên Luqman Weysî yê temen 19 salî û Nasir Ezîzî yê 18 salî û herdu xelkê Qesra Şîrîn û ji peyrewên ola Yarsan, ji aliyê hêzên Îtilaata Komara Îslamî ya Îranê ve li vî bajarî hatine girtin û bo cihekî nexuya hatine veguhastin û bi derbasbûna hefteyek ji binçavkirina wan ti zanyariyek derheq qedera wan li ber dest nîne.

Her yek ji Luqman Weysî û Nasir Ezîzî di malên malbatî yên xwe de û bi bê nîşandana her cure belgeyeke dadwerî hatine binçavkirin.

Li gorî çavkaniyeke agehdar, lipeyketinên malbata wan du welatiyên Kurd derheq agehdarbûn ji çarenivîsa wan heta niha bê encam maye.

Heta dema belavbûna vê nûçeyê, derbarê sedemên girtin, tohmetên ku li dijî wan hatinî sepandin, cihê ragirtin û qedera van du welatiyên Kurd, ti zanyariyek serast li ber dest nîne.

Source: Hengawê Kurdî

Qesra Şîrîn; Girtin û nexuyabûna çarenivîsa du welatiyên Kurd ên peyrewên ola Yarsan

Di vî warî de zêde bixwînin