Rêûresma Newrozê; Girtina Ferzad Ebdî ji aliyê hêzên ewlehî ve li Paleya Îlamê

Hengaw; Pêncşemî 3ê Nîsana 2025an

Welatiyekî Kurd û xelkê Pale, navenda navçeya Zerînava ya ser bi bajarê Dêluranê yê girêdayî parêzgeha Îlamê yê bi navê Ferzad Ebdî piştî bi dawîhatina rêûresma Newrozê li vî bajarî ji aliyê saziyên ewlehî yên Komara Komara Îslamî ya Îranê ve hate girtin. Navbirî di dema binçavkirinê de bi dijwarî rastî lêdan û kutanê hatiye.

Pêka rapora ku gihaye bi Saziya Mafê Mirovî ya Hengawê, roja Çarşemî 2ê Nîsana 2025an, Ferzad Ebdî yê xelkê navçeya Zerînava ya ser bi Dêluranê ji aliyê hêzên îdareya Îtilaatê ve hate girtin û bo cihekî nexuya hate veguhastin.

Li gorî çavkaniyeke agehdar, ev welatiyê Kurd piştî birêveçûna rêûresma Newrozê li Pahle, ji aliyê hêzên îdareya Îtilaatê ve bi dijwarî rastî lêdan û kutanê hatiye û di halekê de ku destê wî hatiye şikandin binçav kirine û bo cihekî nexuya veguhastine.

Heta dema belavbûna vê nûçeyê, ti zanyaryek serast derheq çarenivîs û cihê ragirtina vî welatiyê Kurd li ber dest nîne û lipeyketinên malbata wî di vê derbarê de  bê  encam  maye.