Mehabad; Deh meh sizayê girtîgehê bi ser Wehab Xedîrîpûr de hate sepandin
Hengaw; Pêncşemî 3ê Nîsana 2025an
Wehab Xedîrîpûr, welatiyê Kurd ê xelkê Mehabadê û ji endamê malabatên dadxwaz, ji aliyê Dezgeha Dadwerî ya Komara Îslamî ya Îranê ve deh meh sizayê girtîgehê bi ser de hate sepandin.
Pêka rapora ku gihaye bi Saziya Mafê Mirovî ya Hengawê, Wehab Xirdîpûr ê temen 32 salî û xelkê Mehabadê ji aliyê Dadgeha Şoreş a vî bajarî ve bi deh meh girtîgehê hate sizadan.
Li gorî çavkaniyeke nêzî malbata Wehab Xedîrîpûr, ev sizaye bi tohmeta "hevkarîkirin digel Partiya Demokrat a Kurdistana Îranê" bi ser vî welatiyê Kurd de hatiye sepandin.
Wehab Xedîrîpûr, roja Çarşemî 19ê Şibata 2025an, piştî sê hefte binçavkirinê bi danîna barimteya 500 milyon Tumenî bi awayekî demkî û heta dawî qonaxên dadgehê ji girtîgeha navendî ya vî bajarî hatibû berdan.
Hengawê berê dabû zanîn ku, Wehab Xedîrîpûr di heyama girtina xwe de ji mafê hevdîtin digel endamên malbata xwe û herwiha mafê destpêregihîştin bi parêzer hatibû bêparkirin.
Wehab Xedîrîpûr, xîzandar û bavê du zarokan roja Çarşemî 29ê Çileya 2025an, piştî gazîkirin bo îdareya Îtilaatê hatibû girtin.
Hêjayî gotinê ye ku, Suhrab Xidîrîpûr ê birayê Wehab Xedîrîpûr ku endamê Partiya Demokrat a Kurdistana Îranê bû, di Bihara sala 2021an de ji aliyê hêzên Spaha Pasdaran ve hate kuştin. Navbirî herwiha pismamê Şemal Xidîrîpûr ê ji canjidestdayiyê tevgera jin jiyan Azadî li Mehabadê ye.
