Dêzfol; Ezîm Ferxwend, welatiyê nerazî li dijî sizayê darvekirinê bi teqeya rasterast a hêzên hikûmetê hate kuştin
Hengaw; Înê 2ê Gulana 2025an
Ezîm Ferxwend, hevwelatiyê Lor û xelkê Dêzfolê, ku bi mebesta berteknîşandan li dijî sizayê darvekirina yek ji xizmên xwe yê bi navê Kerîm Ferxwend, nerazîbûna xwe anîbû ziman; bi gulleyên rasterast ên hêzên Kelanteriya 19 a vî bajarî hate kuştin.
Pêka rapora ku gihaye bi Saziya Mafê Mirovî ya Hengawê, roja Pêncşemî 1ê Gulana 2025an, Ezîm Ferxwend yê 35 salî û xelkê Dêzfolê bi teqeya rasterast a hêzên binkeya Kelanterî ya 19 a vî bajarî canê xwe ji dest da.
Ezîm Ferxwend di halekê de ku bi nîşaneya nerazibûnê li dijî sizayê darvekirinê li ber binkeya Kelanterî ya 19 a Dêzfolê amade bibû, teqe li wî hate kirin.
Sizayê darvekirina Kerîm Ferxwend ê temen 25 salî û ji xizmên Ezîm Ferxwend, digel girtiyekî din ê bi navê Mehmûd Ustad Mîrzayî yê 28 salî, sibêdeha roja Pêncşemî li girtîgeha Dêzfolê hate birêveçûn.
Ev herdu girtiyane berê di dosyeyeke hevbeş de bi tohmeta "dizîkirin bi çekê" hatibûne girtin û di dawiyê de bi darvekirinê hatibûne sizadan.
Hêjayî gotinê ye ku, roja Sêşemî hejmareke zêde ji xelkê Dêzfolê li ber girtîgeha vî bajarê kom bibûn û daxwaza rawestana sizayê van du girtiyan kiribûn.
Berê Hengawê, li gorî gotina çavkaniyên agahdar nivîsandibû ku, hêzên girtîgehê di dema cîbicîkirina sizayê van du girtiyan de teqe li xwenîşandan kiribû.
