Saqiz; Nerîman Rendanî, çalakvanê medyayî careke dinê digel birayê xwe hatine girtin
Hengaw; Pêncşemî 21ê Tebaxa 2025an
Nerîman Rendanî, çalakvanê medyayî û sivîl ê xelkê Seqizê, îsal bo cara sêyem e ku ji aliyê hêzên îdareya Îtilaatê ve tê girtin. Mîlad Rendanî, birayê wî jî çend demjimêran hate girtin û piştî lêdan û kutanê hate berdan.
Li gorî rapora ku gihaye bi Saziya Mafê Mirovî ya Hengawê, sibêdeha Sêşemî 19ê Tebaxa 2025an, Nerîman Rendanî ji çalakvanê medyayî û medenî yê 35 salî ji aliyê hêzên îdareya Îtilaatê ve li mala xwe li bajarê Seqizê hate girtin.
Hengaw hatiye agehdarkirin ku, Mîlad Rendanî, birayê Nerîman Rendanî jî, bi bê hebûna belgeyên dadwerî ji aliyê hêzên îdareya Îtilaatê ve hate girtin û piştî ku demekê li navenda ragirtina Îtilaatê hatibû lêdan û kutanê, êvareya heman rojê hatibû berdan.
Heta dema belavbûna vê raporê, ji sedemên girtin, tohmetên ku li dijî Nerîman hatinî sepandin, cihê ragirtin û çarenivîsa vî çalakvanê Kurd li ber dest nîne.
Nerîman Rendanî, nîvroya roja Çarşemî 9ê Nîsana 2025an, ji aliyê hêzên îdareya Îtilaatê ve li Seqizê hatibû girtin û 11ê Gulanê bi danîna barimteyê heta dawî qonaxên dadgehê ji girtîgehê hatibû berdan.
Navbirî berê jî roja Çarşemî 22ê Çileya 2025an, li şeqameke bajarê Seqizê ji aliyê hêzên ewlehî ve hatibû girtin û roja Sêşemî 25ê Şibata 2025an, piştî 33 roj ji binçavkirinê, bi danîna barimteya 600 milyon Tumenî bi awayekî demkî û heta dawî qonaxên dadgehê ji girtîgeha navendî ya Seqizê hatibû berdan.
