Bane; Huşiyar Şeibanî, girtiyê siyasî yê berê bi teqeya hêzên ewlehî hate birîndarkirin û piştre hate girtin
Hengaw; Pêncşemî 21ê Tebaxa 2025an
Huşiyar Şeibanî, girtiyê siyasî yê berê û çalakvanê sivîl ê Kurd û xelkê bajarê Bane, piştî berketina gulleyên hêzên îdareya Îtilaata Komara Îslamî ya Îranê di halekê de ku bi giranî hatibû birîndarkirin li Banê hate girtin û bo cihekî nediyar hate veguhastin.
Li gorî rapora ku gihaye bi Saziya Mafê Mirovî ya Hengawê, roja Çarşemî 20ê Tebaxa 2025an, Huşiyar Şeibanî, çalakvanê medenî yê temen 31 salî û xelkê bajarê Bane hate girtin.
Li gorî çavkaniyeke agehdar, hêzên îdareya Îtilaatê li navçeya "Kanî Sor" a ser bi bajarê Banê teqe li tirombêla Huşiyar Şeibanî kirine û di halekê de ku sê gulle ber lingên vî çalakvanê medenî ketibûn, navbirî binçav kirine.
Dijwariya birînên navbirî bûye sedema nîgeraniyeke zêde ji rewşa tenduristiya wî li girtîgehê. Ev yeka di halekê de ye ku hêzên îdareya Îtilaatê beriya vê girtina dawî, aliyê kêm du caran di heyama mehekê de hewla binçavkirina Huşiyar Şeibanî dabûn.
Huşiyar Şeibanî di salên 2017, 2018, 2019 û 2022an de, ji ber çalakiyên xwe yên medenî ji wan kampeyna piştevanîkirin ji kolberan û girevgirtinê, hatibû girtin û dadgehîkirin û di her du caran de sizayê girtîgehê bi ser de hatibû sepandin.
