Girtina Ramîn Rostemî, welatiyê Kurd ji aliyê hêzên ewlehî ve li Tehranê
Hengaw; Şemî 23ê Tebaxa 2025an
Ramîn Rostemî, welatiyê Kurd ê xelkê bajarê Hersîn ê ser bi parêzgeha Kirmaşanê, ji aliyê hêzên ewlehî yên Komara Îslamî ya Îranê ve li Tehranê hate girtin û bo cihekî nediyar hate veguhastin. Pismamê wî, Îhsan Rostemî jî di heman rojê de hate girtin.
Li gorî rapora ku gihaye bi Saziya Mafê Mirovî ya Hengawê, roja Çarşemî 20ê Tebaxa 2025an, Ramîn Rostemî, welatiyê xelkê bajarê Hersînê, ji aliyê hêzên ewlehî yên Komara Îslamî ya Îranê ve li mala xwe ya kesî li Tehranê hate girtin.
Li gorî çavkaniyên agehdar, hêzên ewlehî ev welatiyê Kurd bi bê hebûna ti belgeyeke dadwerî girtine.
Hêjayî gotinê ye ku, di heman rojê de, hêzên ewlehî Îhsan Rostemî, çalakvanê çandî û pismamê Ramîn jî, li mala wî ya li Tehranê binçav kirine.
Heta dema belavbûna vê raporê, derbarê sedemên girtin, tohmetên ku li dijî wî hatinî sepandin, cihê ragirtin û çarenivîsa vî welatiyê Kurd, ti zanyariyek serast ber dest nîne.
