Birêveçûna sizayê darvekirina çar girtiyan ji wan du girtiyên Kurd û girtiyekî xelkê Efxanistanê li girtîgeha Qizilhesara Kerecê
Hengaw; Pêncşemî 28ê Tebaxa 2025an
Sizayê darvekirina aliyê kêm çar girtiyan ji wan girtiyekî xelkê Efxanistanê û du girtiyên Kurd ên bi navên Ehmed Yûsifî, Fireydûn Mihemedî, Hisam Mihemedî û Husên Biyabanî, li girtîgeha Qizilhesara Kerecê, navedna parêzgeha Elborzê hate birêveçûn. Ev girtiyane berê bi tohmetên pêwendîdar bi madên hişber, destdirêjiya seksî û kuştina bi qest bi darvekirinê hatibûne sizadan.
Li gorî rapora ku gihaye bi Saziya Mafê Mirovî ya Hengawê, sibêdeha roja Çarşemî 27ê Tebaxa 2025an, sizayê darvekirina du girtiyên Kurd ên bi navên Fireydûn Mihemedî yê xelkê Kirmaşanê û Husên Biyabanî yê xelkê Hersînê, digel du girtiyên din ên bi navên Hisam Mihemedî yê xelkê Tehranê û Ehmed Yûsifî, hevwelatiyê Efxanistanê li girtîgeha Qizilhesara Kerecê hate cîbicîkirin.
Li gorî çavkaniyeke agehdar, Husên Biyabanî berê bi tohmetên pêwendîdar bi madên hişber, Ehmed Yûsifî bi tohmeta destdirêjiya seksî û Hisam Mihemedî û Fireydûn Mihemedî bi tohmeta kuştina bi qest hatibûne girtin û ji aliyê Dezgeha Dadwerî ya Komara Îslamî ya Îranê ve bi darvekirinê hatibûn sizadan.
Heta dema belavbûna vê raporê, nûçeya darvekirina van çar girtiyan di medyayên hikûmetî û nemaze medyayên nêzî Dezgeha Dadwerî de nehatiye belavkirin.
