Bilindbûna hejmara darvekirina girtiyên li girtîgeha Qizilhesara Kerecê giha bi 8 kesan ji wan pênc girtiyên Kurd

Hengaw; Înê 29ê Tebaxa 2025an

Bi eşkerebûna nasnameya çar girtiyên dinê pêkhatî ji sê girtiyên Kurd bi navên Feramerz Şehbazî, Ehmedelî Mêhrîpûr, Kazim Fatimî û Maşalah Nîkûfal ku sizayê darvekirina wan li girîgeha Qizilhesara Kerecê hate birêveçûn, hejmara gritiyên hatinî darvekirin li vê girtîgehê giha bi 8 kesan. Berê nasnameya çar girtiyan ji wan du girtiyên Kurd bi navên Ehmed Yûsifî, Fireydûn Mihemedî, Hisam Mihemedî û Husên Biyabanî hatibû eşkerekirin.

Li gorî rapora ku gihaye bi Saziya Mafê Mirovî ya Hengawê, sibêdeha roja Çarşemî 27ê Tebaxa 2025an, sizayê darvekirina çar girtî bi navên Maşalah Nîkûfal û Feramerz Şehbazî yên xelkê Hersîna Kirmaşanê, Ehmedelî Mêhrîpûr ê xelkê Kuyeştê û Kazim Fatimî li girtîgeha Qizilhesara Kerecê hate cîbicîkirin.

Maşalah Nîkûfal û Feramerz Şehbazî nêzî şeş sal berî niha û Ehmedelî Mêhrîpûr şeş sal berî niha bi tohmetên pêwendîdar bi madên hişber, Kazim Fatimî nêzî şeş sal berî niha bi tohmeta “hilgirtina 12 kîlo Şîşe” hatibûne girtin û ji aliyê Dezgeha Dadwerî ya Komara Îslamî ya Îranê ve bi darvekirinê hatibûn sizadan.

Hengawê berê nûçeya darvekirina du girtiyên Kurd ên bi navên Fireydûn Mihemedî yê xelkê Kirmaşanê û Husên Biyabanî yê xelkê Hersînê, digel du girtiyên din ên bi navên Hisam Mihemedî yê xelkê Tehranê û Ehmed Yûsifî, hevwelatiyê Efxanistanê di heman roj û girtîgehê de ragihandibû.

Fireydûn Mihemedî berê bi tohmeta kuştina bi qest û Hisam Mihemedî jî şeş sa berî niha bi heman tohmetê, Husên Biyabanî pênc sal berî niha bi tohmetên pêwendîdar bi madên hişber û Ehmed Yûsifî sê sal berî niha bi tohmeta destdirêjiya seksî hatibûne girtin û ji aliyê Dezgeha Dadwerî ya Komara Îslamî ya Îranê ve bi darvekirinê hatibûn sizadan.

Heta dema belavbûna vê raporê, nûçeya darvekirina van girtiyane di medyayên hikûmetî û nemaze medyayên nêzî Dezgeha Dadwerî de nehatiye belavkirin.