Raporak li ser birêveçûna sizayê darvekirina Hesen Seferiyan, Îsa Murtezewî û Mehdî Cuziyanî li girtîgehên Şîraz û Xurmavayê

Hengaw; Înî 29ê Tebaxa 2025an

Sizayê darvekirina sê girtiyan, ji wan du girtiyên Lor û Kurdek ên bi navên Hesen Seferiyan, Îsa Murtezewî û Mehdî Cuziyanî, ku berê bi tohmeta kuştina bi qest hatibûne girtin û bi darvekirinê hatibûne sizadan, li girtîgehên Şîraz û Xuremavayê hate birêveçûn.

Li gorî rapora ku gihaye bi Saziya Mafê Mirovî ya Hengawê, sibêdeha roja Çarşemî 27ê Tebaxa 2025an, sizayê darvekirina Hesen Seferiyan, xelkê gundê "Kirunî" yê ser bi Şîrazê li girtîgeha Adilavaya Şîrazê hate cîbicîkirin. Ev girtiyê han berê bi tohmeta kuştina bi zanebûnê hatibû girtin û ji aliyê Dezgeha Dadwerî ya Komara Îslamî ya Îranê ve bi darvekirinê hatibû sizadan.

Ji aliyek dinê ve, roja Duşemî 11ê Tebaxê, sizayê darvekirina Îsa Murtezewî yê temen 36 salî û xelkê Elîguderz ê girêdayî parêzgeha Loristanê, li girtîgeha navendî ya Xuremavayê hate birêveçûn. Îsa Murtezewî çar sal berî niha bi tohmeta kuştina bi qest hatibû girtin û ji aliyê Dezgeha Dadwerî ya Komara Îslamî ya Îranê ve bi darvekirinê hatibû sizadan.

Herwiha, sibêdeha roja Yekşemî 3ê Tebaxê, sizayê darvekirina girtiyek bi navê Mehdî Cuziyanî yê xelkê bajarê Dêlfanê yê ser bi parêzgeha Loristanê, li girtîgeha navendî ya Xuremavayê hate cîbicîkirin. Ev girtiyê han jî çar sal berî niha bi tohmeta kuştina bi zanebûnê hatibû girtin û ji aliyê Dezgeha Dadwerî ya Komara Îslamî ya Îranê ve bi darvekirinê hatibû sizadan.

Nûçeya darvekirina van her sê girtiyan heta dema belavbûna vê raporê di medyayên hikûmetî û nemaze medyayên nizî Dezgeha Dadwerî de nehatiye belavkirin.