Birêveçûna sizayê darvekirina pênc girtî li girtîgehên Sine, Yasûc, Simnan, Şîraz û Elîgûderzê

Hengaw; Şemî 30ê Tebaxa 2025an

Sizayê darvekirina pênc girtiyan ên bi navên Mecîd Abidî, Semed Seyid Husênî, girtiyê Lor Mîlad Mihemedsalihî, Mihemedriza Murîdan yê girtiyê Ereb û Secad Qulîzade yê welatiyê Kurd, li girtîgehên Simnan, Yasûc, Şîraz, Elîgûderz û Sine hate birêveçûn. Ev girtiyane berê bi tohmetên pêwendîdar bi madên hişber û kuştina bi zanebûnê hatibûne girtin û bi darvekirinê hatibûne sizadan.

Li gorî rapora ku gihaye bi Saziya Mafê Mirovî ya Hengawê, roja Çarşemî 27ê Tebaxa 2025an, sizayê darvekirina Mecîd Abidî yê 35 salî li girtîgeha Simnanê, Semed Seyid Husênî yê 46 salî yê xelkê Yasûcê li girtîgeha Yasûcê, Mîlad Mihemedsalihî yê 32 salî û xelkê Kaşanê li girtîgeha Şîrazê, Mihemedriza Murîdan ê xelkê Xûzistanê li girtîgeha Elîgûderza parêzgeha Loristanê û Secad Qulîzade li girtîgeha Sine hate cîbicîkirin.

Di vê navberê de, Mîlad Mihemedsalihî, Mihamedriza Murîdan û Secad Qulizade çar sal berî niha û Semed Seyid Husênî pênc sal berî niha bi tohmetên kuştina bi qest hatibûne girtin û bi darvekirinê hatibûne sizadan. Mecîd Abidî jî, sê sal berî niha bi tohmeta madên hişber hatibû girtin û bi darvekirinê hatibû sizadan.

Nûçeya darvekirina van pênc girtiyane heta dema belavbûna vê raporê di medyayên hikûmetî û nemaze medyayên nêzî Dezgeha Dadwerî de nehatiye belavkirin.